martes, 27 de diciembre de 2011

2012

En Demo Editorial, sabemos que son tempos complicados onde os axentes da industria cultural temos que facer un maior esforzo por manter vivo o lume da cultura. Somos conscientes de que a lectura é remedio de moitos males e a cultura a mellor arma e tamén o mellor refuxio. Por todo isto esperamos seguir dando bos títulos no 2012, con todo o esforzo que iso mereza, seguros de que non será pouco.

Ao cabo deste 2011, aproveitamos para dar as grazas a libreiros, bibliotecarios, escolas que recomendades os nosos títulos e en xeral a todos os nosos colaboradores, pero especialmente aos autores e os lectores, por ser orixe e fin do longo camiño que percorren as historias, desde ese intre inicial no que non son máis que un pequeno punto de luz nalgunha cabeza inquieta.

Non perdades o tren da lectura e buscade o voso punto de luz no 2012.

miércoles, 21 de diciembre de 2011

REPORTAXE DEMO EDITORIAL NA TVG2

O pasado luns, día 19, emitiuse unha pequena reportaxe sobre a nosa editorial no magazine cultural ZIG ZAG DIARIO (TVG2). Podedes velo xa na TVG á carta (a partir do minuto 21:55)

lunes, 19 de diciembre de 2011

DEMO EDITORIAL EN ZIG ZAG DIARIO (TVG)

Hoxe, luns 19 de decembro, o programa ZIG ZAG DIARIO (TVG2) emíte unha pequena reportaxe sobre Demo Editorial. Horarios de emisión: 16:30, 21:00 e 05:40 da noite.

TRES RAZÓNS POLAS QUE LER E AGASALLAR DEMO EDITORIAL

Chegadas estas datas, moita xente non se aclara con que agasallar, e que hai mellor que unha boa lectura. Algúns dos nosos autores quixeron darnos tres razóns polas que ler e agasallar os seus títulos nestas festas, isto é o que nos contan:

TRES RAZÓNS POLAS QUE LER E AGASALLAR:


MIGUEL CUBA autor de PUNTO DE FUGA


1. "Punto de fuga" trata unha temática de actualidade: o incerto futuro dunha das xeracións mellor preparadas da historia da democracia no noso país. Moitos lectores recoñeceranse a sí mesmos ou a xente próxima na situación de Mateo.


2. Aporta sentido do humor, certas doses de surrealismo e unha mensaxe final de optimismo para afrontar estes tempos de crise.


3. A ambientación recrea de xeito realista distintas cidades e lugares da xeografía galega. De seguro que o lector recoñecerá as cafetarías, ambientes e rúas polas que se moven os protagonistas.




TOKIO autor de CABANA DE BALIEIROS


1. Porque só se aprende a nadar botándose ao mar.


2. Porque podemos descubrir a existenza de lugares que necesitaremos buscar despois ao longo da Costa da Morte.


3. Porque a cada lectura faremos revivir aos personaxes e a vida de Cabana de Balieiros.




MANOLO POY E MIGUEL FERNÁNDEZ autores de O FILLO DA FURIA/ EL HIJO DE LA IRA


1. "El Hijo de la Ira" achegarate a unha biografía na que a aventura mesturase có relato histórico e o xénero negro, para coñecer a vida do último bandoleiro romántico, Mamed Casanova, cuxas andanzas narraron en su día Valle Inclán ou Pardo Bazán.


2. É unha album en branco e negro cargado de intensidade, no que o mito mestúrase coa narración dunha axitada época marcada polos profundos cambios sociais.


3. A edición en galego tivo unha excelente acollida por parte dos lectores e esperamos que a de castelán non sexa menos.






DANI MONTERO autor de SEN MIRAR ATRÁS/ SIN MIRAR ATRÁS

(PREMIO CASTELAO 2009)


1. Quería contala historia dunha desas personas anónimas que nos cruzamos na rúa día a día.


2. Quería contar unha historia sobre o amarga que pode resultar a soidade e o doce dunha amizade incondicional.


3. Quería contar una historia que contuviese momentos de suspense, acción, drama e comedia a partes iguais e o resultado foi "Sen Mirar atrás".




MANEL CRÁNEO autor de OS LOBOS DE MOECHE


1. "Os Lobos de Moeche" é unha maneira de achegarse de xeito entretido, a un episodio da idade media galega, o das revoltas irmandiñas, que serviu de precedente a nivel europeo nos sucesivos movementos sociais que derrocaron o feudalismo.


2. É unha aventura de atmósfera romanticista, tono dramático, certo aire épico pero con estética actual que desde que saiu segue conectando cós lectores e abarca tódolos públicos. Desde xente que se interesa polo substrato histórico ata outros que se quedan coa trama de ficción que supón o fío argumental.


3. Algúns lectores me comentaron que lles pareceu que nun contexto histórico, a obra trata sobre conflictos sociais aínda vixentes. Supoño que a lectura de Os Lobos produce este efecto dxa que é intencionadamente discursiva e crítica coa sociedade. Conleva unha intención reflexiva sobre o pouco que progresou o xénero humano desde a idade media ata hoxe, e certos aspectos sociais.

martes, 13 de diciembre de 2011

PRESENTACIÓN CABANA DE BALIEIROS DE TOKIO EN MOAÑA

Un mariñeiro que se precie nunca deixa de bogar. Bogando e bogando, Tokio chega a Moaña este venres, para facer unha nova presentación da súa novela gráfica Cabana de Balieiros. A cita terá lugar na libraría O Pontillón, ás 21:00 horas. Pasade por alí e non deixedes de pescar a este documentado autor. Obra que sae de bo porto, sempre chega a bo porto.

jueves, 1 de diciembre de 2011

BRAIS E TOKIO NO CULTURGAL ESTE VENRES

Anunciamos os horarios de sesións de sinaturas cós nosos autores no festival CULTURGAL (Pontevedra). Terán lugar este venres pola tarde.

VENRES 2 de Decembro
No stand de venta da zona libraría

18:00h
CABANA DE BALIEIROS
de Tokio

20:00h
A MAN DO DIAÑO
de Brais Rodríguez

martes, 29 de noviembre de 2011

"EL HIJO DE LA IRA" EN SEVILLA

Manolo Poy firmando junto a Carlos Pacheco en FNAC Sevilla.

El pasado fin de semana, se presentó El hijo de la ira durante los Encuentros de Ilustración y Cómic de Sevilla. Manolo Poy, guionista del album, habló del libro y participó también en una sesión de firmas junto a otros autores invitados.
La obra, que ha funcionado con éxito con su edición en galego, inicia ahora una nueva travesía con esta nueva co-edición en castellano con Diabolo. Con esto damos un nuevo paso de cara a seguir ampliando mercado para nuestros autores y esperamos que buenas historias como esta, que cuenta la vida de uno de los últimos bandidos románticos, llegue al mayor público posible.

lunes, 28 de noviembre de 2011

DEMO EDITORIAL NO "CULTURGAL"

O vindeiro fin de semán, os nosos autores, Brais Rodríguez e Tokio, participarán no CULTURGAL, festival das industria cultural galega, que se celebrará en Pontevedra. Tamén poderedes atopar os nosos títulos na zona de librería do festival, atendida polo noso amigo Cano, de Librería Paz, onde se levarán a cabo sesións de sinaturas.
En breve facilitaremos información sobre os horarios das actividades.

martes, 22 de noviembre de 2011

PRESENTACIÓN EN SEVILLA DE "EL HIJO DE LA IRA"

El "Hijo de la ira", del periodista y guionista Manolo López Poy y el dibujante Miguel Fernández, sale por fin a la calle de la mano de Demo Editorial y Diabolo Ediciones. La edición en castellano de "O Fillo da Furia", obra de excelente acogida en Galicia, sale al mercado estatal en una edición con contenidos extras y en tapa dura que cuenta con 112 páginas y prólogo de Manel Cráneo.
El guionista Manolo Poy presentará en primicia la novela gráfica, el próximo sábado 26 de noviembre durante los Encuentros de Cómic de Sevilla y acto seguido se celebrará una sesión de firmas.
De manera biográfica y excelentemente documentada, los autores cuentan, en clave de genero negro y aventura, la trayectoria delictiva de Mamed Casanova, alias "Toribio", un personaje que el propio Valle-Inclán definió como el último bandido romántico, que vivió a caballo entre los siglos XIX y XX.

No falteis a la cita!!

lunes, 21 de noviembre de 2011

CHARLA DE TOKIO NO MUSEO DA NATUREZA

A Sociedade Galega de Historia Natural, acolle no Museo da Natureza, en Ferrol, a presentación da obra Cabana de Balieiros. Este mércores ás 19:00h.
O acto contará coa presenza do autor Tokio e o editor Manel Cráneo.

lunes, 14 de noviembre de 2011

OS MISTERIOS DE CABANA DE BALIEIROS CHEGAN A OURENSE


Tour infrenable de Tokio!! A misteriosa vila balieira da Costa da Morte invade a provincia de Ourense este fin de semán con dúas presentacións nas nosas librarías amigas, Sindicato del Cómic (Ourense) e Aira das Letras (Allariz).

martes, 8 de noviembre de 2011

MIGUEL CUBA EN LIBRERÍA KÓMIC (SANTIAGO)


Despois de varios meses da saída da obra Punto de Fuga, desde que foi presentada no Viñetas desde O Atlántico, o pasado mes de agotso, pechamos o tour de Miguel Cuba este venres, na libraría Kómic de Santiago.

Punto de Fuga é unha obra que está tendo unha excelente acollida polos noso lectores pola súa conexión temática coa sociedade actual, e aínda que de momento non temos máis presentacións programadas, ben sabemos que estamos ante unha obra de longo percorrido que seguirá dando que falar.

Non faltedes este venres e non marchedes sen levar un exemplar customizado polo autor.

viernes, 4 de noviembre de 2011

O FILLO DA FURIA en castelán

Xa está en máquinas a versión en castelán de "O Fillo da Furia". A finais deste mes poderedes disfrutar da obra que coeditamos Demo e Diabolo, como se dunha conxunción das forzas do mal se tratase. E non é para menos cando se trata dun album que se move entre a furia e a ira.
A novela gráfica gionizada por Manolo Poy e Miguel Fernández contará para esta edición con algunhas novedades como contidos extras e encadernación en tapa dura. 104 páxinas totalmente fora da lei.

lunes, 31 de octubre de 2011

SESIÓN DE SINATURAS DE MIGUEL CUBA EN ALITA CÓMICS

Retornan os lápices de Miguel Cuba, nunha sesión de sinaturas este venres na Coruña. Punto de Fuga, unha bd de enfoque social, realista e con doses de excelente humor negro, aporta un raio de luz sobre a crise e a situación laboral das novas xeracións, nunha historia onde o debuxo do autor reforza a súa calidade narrativa no que supón a súa primeira novela gráfica.

Non deixedes de mercala se aínda non a tedes, e levala customizada este venres 4 de novembro ás 19:30, en Alita Cñómics (Rúa Orzán), un cálido lugar onde nunca falta o licor café para aliviar a friaxe.
Esperámosvos!!

miércoles, 19 de octubre de 2011

NOVAS PRESENTACIÓNS DEMO EDITORIAL



MAÑÁN!! XOVES 20 DE OUTUBRO

PUNTO DE FUGA de Miguel Cuba

FNAC (A Coruña)

19:30h


VENRES 21

CABANA DE BALIEROS de Tokio

LIBRERÍA PAZ (Pontevedra)

18:30


SÁBADO 22

CABANA DE BALIEROS de Tokio

LIBRERÍA BANDA DESEÑADA (Vigo)

18:00


Animávosvos a participar destas actividades e achegarvos aos autores Tokio e Miguel Cuba

nestas novas datas do tour de presentacións que estamos levando a cabo este trimestre.


Convidámosvos a tamén a ver a entrevista a Tokio no programa ZIGZAG Diario da TVG

no seguinte enlace:

http://www.crtvg.es/tvg/a-carta/zigzag-diario-3-temporada-17-10-2011

(A entrevista está entre o minuto 20.30 e o 22 do programa)


En breve lanzaremos tamén en internet unha video entrevista a Miguel Cuba, feita pola produtora

Mondotropo nalgúns dos lugares onde se inspirou o autor para ambientar "Punto de Fuga".



martes, 11 de octubre de 2011

PRESENTACIÓN A MAN DO DIAÑO EN KÓMIC (SANTIAGO)

E para os que andedes o venres por Santiago, cita con Brais Rodríguez na emblemática libraría Kómic, ás 18:00 h. Presentación de "A Man do diaño", album premiado có Castelao 2010 da Deputación da Coruña.
Con isto completamos a nosa programación de actividades para este fin de semán, nada máis e nada menos que tres presentacións, dúas delas simultáneas.
Esperamos que sexan do voso agrado e disfrutedes delas.
Graciñas polo voso apoio.

PRESENTACIÓN "CABANA DE BALIEIROS" EN ALITA (A CORUÑA)

Ao día seguinte de presentar en Gondomar a súa obra, Tokio, volve á carga cunha nova presentación na libraría Alita Cómics, na Coruña.
Haberá sesión de sinaturas e un groliño de licor para os asistentes. Non perdades unha derradeira oportunidade de levar o seu album customizado na Coruña.

Venres 14
ALITA CÓMICS
(Rúa do Orzán)
19:30h

PRESENTACIÓN "CABANA DE BALIEIROS" EN GONDOMAR

Este xoves, 13 de outubro, Tokio presenta a súa novela gráfica "Cabana de Balieiros" no Auditorio Ponte de Rosas, en Gondomar. O acto contará coa presenza de Pepe Carreiro.

miércoles, 5 de octubre de 2011

DEMO EDITORIAL NAS XXIII XORNADAS DE BD DE OURENSE

Este venres 7 de outubro, convidámosvos á presentación de Demo Editorial, nas Xornadas de BD de Ourense.

O acto terá lugar ás 13:00h na nova libraría especializada Sindicato del Cómic.

Contaremos coa presenza de Manel Cráneo e Brais Rodríguez. Haberá sesión de sinaturas e

celebraremos o Premio Ourense de BD á mellor iniciativa do ano convidando a un viño aos asistentes.


Esperamos que vós animedes a participar tanto desta como do resto de actividades programadas nas Xornadas de BD de Ourense, nun momento crucial onde a crise e as circunstancias ameazan a desaparición do evento máis antigo e con máis solera en torno á banda deseñada en Galicia. Probablemente de non ser por estas xornadas moitos autores e editores non teriamos recibido o primeiro impulso para decantarnos por unha actividade tan preciada como a de contar historias en viñetas. É por iso que como outros compañeiros de profesión, desde a nosa editorial, tamén queremos sumarnos para reclamar especialmente a asistencia do público nesta ocasión.


Vémonos en Ourense!!

martes, 4 de octubre de 2011

DEMO EDITORIAL RECIBE O PREMIO OURENSE DE BANDA DESEÑADA

Esta mañán Demo Editorial recibiu o Premio Ourense de Banda Deseñada á mellor iniciativa do cómic galego en 2011. Segundo a organización do evento que chega á súa XXIII edición, a nosa editorial foi premiada: "por apostar pola publicación de cómic de autores galegos emerxentes e en lingua galega e pola recuperación do patrimonio histórico de Galicia mediante un medio de entretenemento como é a novela gráfica".

Esperamos que este recoñecemento nós axude a consolidar un proxecto arriscado como este, tendo en conta os tempos que corren, onde a crise económica ameaza direitamente a boa saude da que goza a nivel autoral a bd galega. Gustarianos agora, que noso vindeiro premio sexa conseguir permañecer no mercado moitos máis anos e seguir ofrecendo o mellor dos nosos autores con ou sen crise.

Queremos dar tamén o noso agradecemento ao autor e amigo, Miguel Robledo, por achegarse a recoller o premio en nome da editorial e leer un texto onde o editor Manel Cráneo, reclamaba por unha parte máis atención cara o sector por parte das institucións e por outra banda asumía que o mellor de recibir este premio este ano, era ter a posibilidade de adicarlle o galardón a unha persoa que fixo moito pola promoción da cultura en Galicia nas últimas décadas, e particularmente pola banda deseñada.

Desde aquí queremos lembrar tamén esa adicatoria, á memoria desa persona que non é outra que o bo amigo Benito Losada, Director da Casa da Xuventude de Ourense, falecido recentemente.

jueves, 22 de septiembre de 2011

PRESENTACIÓN PUNTO DE FUGA EN PONTEVEDRA E VIGO


Próximas presentacións para este fin de semán:


PUNTO DE FUGA

de Miguel Cuba


VENRES 23, 18:00h

LIBRARÍA PAZ

PONTEVEDRA


SÁBADO 24, 18:00h

LIBRARÍA BANDA DESEÑADA

VIGO


Nos vós perdades a ocasión de levar un exemplar customizado por unha das actuais revelacións

da banda deseñada, Miguel Cuba, e de ler unha obra feita con mirada crítica que reflicte a situación

laboral nos tempos que corren con total sentido da ironía.


O album conta con prólogo de Miguelanxo Prado.

Adxuntamos cartel.


E lembrámosvos tamén a nosa actividade de hoxe:


CABANA DE BALIEIROS

de Tokio

XOVES 22, 19:30

FNAC

A CORUÑA


miércoles, 21 de septiembre de 2011

PRESENTACIÓN CABANA DE BALIEIROS EN FNAC (A CORUÑA)

Seguimos có noso tour de presentacións. Esta semán comezamos cunha pequena charla do autor Tokio en torno ao seu título Cabana de Balieiros, seguida de sesión de sinaturas. Terá lugar mañán xoves, día 22, en FNAC (A Coruña), ás 19:30h.

O autor falará do proceso creativo da obra e dos diversos elementos documentais que manexou para ambientala nunha vila mariñeira do século XIX, ubicada na Costa da morte. A charla estará apoiada cunha proxección de imaxes do seu proceso de traballo ademáis da peza promocional da obra, que tamén podedes ver no seguinte enlace:

martes, 13 de septiembre de 2011

TOKIO EN KÓMIC E BRAIS EN ALITA



Arredor dunha veintena de presentacións forman o noso programa para este trimestre, que levarán a Tokio, Brais e Miguel Cuba por diferentes librarías galegas. A pasada semán iniciamos o noso tour de presentacións de novidades con Brais en FNAC. Este venres 16 de setembro continuamos con dúas actividades simultáneas.

As 18:00h da tarde en Kómic (Santiago), o autor Tokio presentará a súa novela gráfica Cabana de Balieiros, historia de acción e aventuras ambientada na Costa da Morte durante o século XIX.
Ás 20:00h tocaralle o turno a Brais Rodríguez, que asinará exemplares da súa obra A MAN DO DIAÑO, premiada có Castelao de Banda Deseñada 2010. Dita presentación terá lugar en Alita (Rúa Orzán, A Coruña).

As dúas presentacións estarán animadas con licor café.

En breve poñeremos á vosa disposición o noso calendario có resto de actividades programadas.

miércoles, 7 de septiembre de 2011

PRESENTACIÓN A MAN DO DIAÑO EN FNAC (A CORUÑA)

Mañán, xoves 8 de setembro, presentación de A MAN DO DIAÑO, no Forum da FNAC (A Coruña), ás 19:30 da tarde.

'A man do diaño', é un alegato antibelicista obra do autor de Brión, Brais Rodríguez, que gañou o VI Premio de Banda Deseñada Castelao 2010, que organiza a Deputación da Coruña.

Nacido en 1980 en Brión e criado en Boiro, Brais Rodríguez é licenciado en Belas Artes pola Universidade de Vigo e, pese a súa xuventude, conta xa cunha dilatada traxectoria como gañador de primeiros premios, entre os que se encontran algúns como o GZ-Crea en 2009 ou Cangas do Morrazo en 2005. Cofundador da publicación Carne líquida, o brionés, que tamén fixo os seus piniños no campo da pintura, é uno dos autores fixos da revista Barsowia e autor individual con maior volumen no tomo colectivo Barsowia en llamas.

ENTREVISTA A BRAIS RODRÍGUEZ EN ZONA NEGATIVA

ZONA NEGATIVA ofrece unha ampla e interesante entrevista a Brais Rodríguez. O autor fala da súa obra A MAN DO DIAÑO, gañadora do Premio Castelao 2010 da Deputación da Coruña.

jueves, 25 de agosto de 2011

"A MAN DO DIAÑO" E "PUNTO DE FUGA" en CULTURAS

O periodista Rubén Santamarta, asina estás dúas críticas no suplemento Culturas de La Voz de Galicia, o pasado fin de semán.

jueves, 18 de agosto de 2011

OS LOBOS OUVEAN DE NOVO

Este sábado a media noite, Os Lobos de Moeche ouvearán unha vez máis. A empresa Dalleqlibras fara unha proxección de imaxes do album de Manel Cráneo sobre os muros do Castelo de Moeche durante o XXXII Festival Irmandiño. O autor xa fora convidado a expoñer parte da obra e dalo pregón na 30 edición do asalto ao castelo, e o ano pasado fixo unha maratón de sinaturas na torre de homenaxe do mesmo.
Esta obra épica, que foi producida coa colaboración de Euroeume, e está ambientada nas que se considera as primeiras revoltas populares europeas, non deixou de xenerar novas desde que foi editada por Demo a principios do 2009. E probablemente, esta non sexa a derradeira vez que falemos dela.

martes, 9 de agosto de 2011

ACTIVIDADES DEMO NO VIÑETAS 2011

Preséntámosovos o noso calendario de actividades que comenzamos mañán no Viñetas,
repartidas entre a carpa de actividades da Rúa da BD e o noso stand:

MÉRCORES 10

13:00h PRESENTACIÓN "PUNTO DE FUGA" DE MIGUEL CUBA
(Na carpa)

SESIÓNS DE SINATURAS (Stand Demo Editorial)

19:00h MANEL CRÁNEO

20:00h MIGUEL CUBA
---------------------------------

XOVES 11

SESIÓNS DE SINATURAS (Stand Demo Editorial)

19:00h KIKE BENLLOCH/MANEL CRÁNEO

20:00h DANI MONTERO

21:00h TOKIO

23:00h CONCERTO “BANDA APARTE” (PUB GARUFA)
(Podedes reservar as entradas no noso stand e no das editoriais colaboradoras)
---------------------------------

VENRES 12
12:00 PRESENTACIÓN "A MAN DO DIAÑO" DE BRAIS RODRÍGUEZ
(Na carpa)

SESIÓNS DE SINATURAS (Stand Demo Editorial)

19:00h MIGUEL FERNÁNDEZ

20:00h BRAIS

21:00h TOKIO
---------------------------------

SÁBADO 13
13:00h PRESENTACIÓN "CABANA DE BALIEIROS" DE TOKIO
(Na carpa)

SESIÓNS DE SINATURAS (Stand Demo Editorial)

19:00h MIGUEL CUBA

21:00h BRAIS RODRÍGUEZ

Agardámosvos!!

DEMO AGASALLA CON VALES 10% DESCONTO EN ARTESANÍA GALEGA DURANTE O VIÑETAS

Demo Editorial agasallará a partir de hoxe martes, con vales de 10% de desconto en produtos de artesanía de Galicia para usar na tenda Gaolo Artesanía aos que merquedes no noso stand en Viñetas dende o Atlántico.
Os vales de desconto ofreceránse de agasallo a partir dunha compra mínima de 20 euros en títulos do noso catálogo editorial e serán válidos só para a semán do 8 ao 14 de agosto, que durá o festival de banda deseñada da Coruña.

A tenda Gaolo permanece aberta tódolos días de agosto, incluíndo as tardes dos domingos, en horario de 18:00h a 21:00h. En Gaolo podedes atopar multitude de coleccións en prata e artesanía, cartón pedra, cerámica e moito máis, asinada polos mellores artesáns de Galicia.

Con este acordo de colaboración a artesanía e a banda deseñada galegas, unénse para promocionar aos nosos mellores autores e artístas. Tanto Gaolo como Demo Editorial esperamos que esta nova iniciativa sexa do voso agrado.

Saúdos cordiais e bo Viñetas 2011.

lunes, 8 de agosto de 2011

EDICIÓN LIMITADA DE CAMISETAS



Durante o Viñetas, Demo Editorial poñerá á venta estes dous novos modelos de camisolas, edición non limitada senón limitádísima. Un modelo de Os Lobos de Moeche, todo un hit de ventas dentro do noso catálogo editorial; e un divertido modelo da nosa marca Planeta Mincha.
Se non queredes quedar sen a vosa, tamén podedes reservalas dirixíndovos a:

distribución.demoeditorial@gmail.com

Impresión en vinilo.
Prezo 18 euros.

domingo, 7 de agosto de 2011

CONCERTO DE BANDA APARTE NO VIÑETAS 2011

Estimad@s amig@s:

Komic Librería e Demo Editorial, comprácense e presentarvos un fantástico concerto de Banda Aparte dentro do programa oficial do Viñetas Dende o Atlántico 2011.
A banda ofrecerá o seu mellor repertorio movéndose a ritmo do mellor rithm&blues, soul e funky.

Organizado por Komic Librería e Demo Editorial e patrocinado por sete editoriais presentes na Rúa da BD, citámosvos para o vindeiro xoves 11as 23:00 na coñecida sala coruñesa Garufa.
O aforo da sala obrigou a reducir a impresión de entradas polo que aconxellamos,
os que teñades interese, as reservedes ou merquedes nos primeiros días do salón.
O prezo é de 5 euros.

Esperámosvos!!

sábado, 6 de agosto de 2011

A EXPOSICIÓN "PUNTO DE FUGA" AMPLIADA ATA O 3 DE SETEMBRO

A galería 9the13, na Coruña, amplia a exposición sobre a obra Punto de Fuga de Miguel Cuba ata o 3 de setembro, polo que todos os que asistades ao Viñetas dende o Atlántico, poderedes ver tamén a exposición dun dos descubrimentos máis prometedores do panorama da banda deseñada galega actual.
Non perdades a oportunidade de disfrutar desta magnífica mostra.

viernes, 5 de agosto de 2011

NOVIDADES DEMO EDITORIAL



A MAN DO DIAÑO
PREMIO CASTELAO 2010 DA DEPUTACIÓN DA CORUÑA
Brais Rodríguez
Prólogo de David Rubín

A man do diaño é una historia feita con sinxeleza e sen complexos, que aborda, con total sentido crítico e mirada de autor, unha cuestión por desgraza natural e innata no ser humano, o conflito bélico.

Unha situación universal que sempre leva a cada personaxe que o sofre a ter que enfrontarse consigo mesmo. A historia dunha guerra máis, nun país calquera, xa que ningún esta libre de que lle toque.


«Nesta novela gráfica, gañadora do Premio Castelao, atoparedes un relato antibélico magnificamente narrado, que non percorre camiños mil e unha veces transitados, cuns personaxes con personalidades

complexas e perfectamente construídas, onde as elipses, os silencios, contan moito máis que os diálogos


David Rubín



PUNTO DE FUGA
Miguel Cuba
Prólogo de Miguelanxo Prado


A historia de Mateo é a historia dunha voz anónima pertencente a toda unha xeración que sabe cal é o prezo da comodidade que nos ofrece a sociedade consumista, e aínda así non perde a esperanza de atopar

o seu punto de fuga para cruzar o horizonte máis alá da indignación. Nese horizonte arredado aparecerá sen dúbida esa liña mestra que axude á consecución do debuxo da súa vida.

O autor, Miguel Cuba, aborda con esta primeira novela gráfica una historia actual, crítica coa sociedade que o rodea mais optimista e esperanzadora de cara ao futuro, onde a sorte tamén ten o seu papel.

Punto de fuga é unha voz íntima e anónima lanzada ao ar con ironía e humor.


«Miguel Cuba amosa nesta obra todas as súas potencialidades como autor de cómic e fai unha achega madura, necesaria e importante á banda deseñada galega.»


Miguelanxo Prado





CABANA DE BALIEIROS

Tokio


Cabana de Balieiros é unha vila desas que agochan segredos. Moitos deles son misterios que levan e traen as mareas. Algúns afúndense, e outros saen á superficie cando ninguén o espera. Un novo párroco chega á vila, e atópase cunha igrexa abandonada e un mundo que lle descubrirá as historias que fermentan na terra, fillas do salvaxe vento que trae o mar. Unha terra de costumes ancestrais, onde os máis puros instintos humanos xeran o ritmo da vida e marcan o propio destino dos seus habitantes, e levan algúns ao naufraxio da súa propia alma.

Unha historia que, con certa intriga, nos acerca ao contexto social do século XIX, desde a mirada dun autor que, fundamentalmente e por riba de todo, é un defensor da natureza e ten alma de mariñeiro

miércoles, 3 de agosto de 2011

CHARLA DE MANEL CRÁNEO

O autor Manel Cráneo dará unha charla sobre o proceso creativo da súa obra Os Lobos de Moeche, este venres, día 5 de agosto, ás 19.30h na Biblioteca Infantil e Xuvenil de Durán Loriga, en A Coruña. O acto será de portas abertas e está encaixado dentro da programación que a biblioteca oferta aos seus lectores nos días previos ao Viñetas Desde o Atlántico.

martes, 26 de julio de 2011

EXPOSICIÓN "PUNTO DE FUGA" De Miguel Cuba en A Coruña

EXPOSICIÓN "PUNTO DE FUGA"
de Miguel Cuba
Do 27 de xullo ao 6 de agosto.

Este mércores 27 de xullo, ás 20:30, na Galería 9THE13 (R/ Tabernas, 9 - bajo) de A Coruña, inaugúrase a mostra de Miguel Cuba, con pranchas orixinais e algún debuxo
inédito do material que formará parte da súa primeira novela gráfica Punto de Fuga.
O libro sairá á venta entre as novidades de Demo Editorial presentará na Rúa da BD en agosto, durante o Viñetas desde o Atlántico.

Adxuntamos catálogo en PDF da exposición, non deixedes de visitala.
Agardamos que dita mostra sirva de aperitivo para a posterior degustación da súa exquisita obra.

jueves, 14 de julio de 2011

PUNTO DE FUGA de Miguel Cuba

Esta é a cuberta definitiva coa que Miguel Cuba nos agasalla para a súa primeira novela gráfica. Este autor de futuro prometedor, será sen dúbida un dos descubrimentos do ano no sector da bd. Estade atentos.

martes, 12 de julio de 2011

A MAN DO DIAÑO de Brais Rodríguez

A MAN DO DIAÑO, obra gañadora do VI Premio de Banda Deseñada Castelao, do autor Brais Rodríguez, será editada en galego por Demo Editorial.
O autor contará cunha exposición de orixinais durante a vindeira edición do festival Viñetas desde o Atlántico 2011, que comenzará o día 8 de agosto, onde tamén se presentará a obra.
Adiantamos a estupenda cuberta que Brais fixo para o que suporá o seu primeiro album. Nos próximos días iremos facilitando máis información.

jueves, 7 de julio de 2011

VIDEO PROMOCIONAL DE CABANA DE BALIEIROS

Presentamos o video promocional dunha das nosa novidades para agosto. Cabana de Balieiros, do autor Tokio. A novela gráfica será presentada no Viñetas desde o Atlántico a segunda semán de agosto. Esperemos que vós guste este pequeno adianto dunha obra que promete unha boa lectura.
A música do video é de Manel Cráneo.

miércoles, 29 de junio de 2011

XOGO "O GALEGO MEDRA CONTIGO"

Manel Cráneo mostra no seu blog persoal imaxes do xogo "O Galego Medra Contigo", peza da campaña de dinamización da lingua galega do Concello da Coruña que levaba como slogan o mesmo nome.
O xogo foi editado por Demo o pasado mes de maio como encargo para as actividades celebradas dentro das actividades programadas pola Concellaría de Normalización Lingüistica en torno ao día das letras galegas, na cidade da Coruña. A peza utilizouse como agasallo para os nenos e nenas participantes nalgunhas das actividades programadas.

martes, 21 de junio de 2011

DEMO EDITORIAL EN FACEBOOK

A partir desta mesma tarde Demo Editorial xa está presente na rede social facebook. Todos os interesados en estar ao tanto da nosa actividade xa tedes outro sitio onde atoparnos. Esperámosvos.



miércoles, 8 de junio de 2011

SEN MIRAR ATRÁS DE DANI MONTERO EN ALEMÁN

(Galego)
O autor galego Dani Montero, será un dos convidados no Festival de Cómic de Munich (Alemaña) onde verá publicada a súa obra SEN MIRAR ATRÁS xa que a Editorial Edition 52 ven de mercalos dereitos para este territorio. A edición xermana do album terá ademáis un novo deseño de cuberta.

"Kein Blick Zurük", presentarase dentro da programación oficial do festival, no Instituto Cervantes o día 18 de xuño ás 12:00 horas , lugar elexido tamén para unha completa mostra dos seus orixinais.
Ademáis, do día 23 ao 26, o autor natural de Cangas, asinará exemplares no festival en sesións de dúas horas cada tarde.

Dani foi con esta novela gráfica gañador do Premio Castelao de Banda Deseñada da Deputación da Coruña, no ano 2009 e con ela da tamén o seu primeiro paso ao mercado internacional da man da nosa editorial.
Se aínda non leiches este trepidante thriller, lembramos que podedes mercar a edición en castelán e galego editadas
por Demo.

(Castellano)
El autor gallego Dani Montero, será uno de los invitados en el Festival de Cómic de Munich, en Alemanía, donde verá publicada su obra SIN MIRAR ATRÁS ya que la Editorial Edition 52 acaba de comprar los derechos para este territorio. La edición contará con un nuevo diseño de portada realizado por Dani.

"Kein Blick Zurük", se presentará en el próximo Festival de Cómic de Munich, junto a una exposición de originales en el Instituto Cervantes el día 18 de junio a las 12:00 horas.
Además, del día 23 ao 26, el autor natural de Cangas, firmará también ejemplares en el festival en sesiones de dos horas cada tarde.

Dani ganó con esta novela gráfica el Premio Castelao de Banda Deseñada da Deputación da Coruña, en el año 2009 y con ella da también su primer paso al mercado europeo de la mano de nuestra editorial.
Para los que todavía no leisteis este trepidante thriller, os recordamos que podeis comprar las ediciones de castellano y gallego editadas por Demo.