lunes, 30 de abril de 2012

"CASTELAO. O POBRE TOLO"


Queremos celebrar este mes das letras galegas cun lanzamento moi especial que levamos preparando desde hai algún tempo. O xoves día 3 de maio, temos o pracer de presentar a nosa nova serie de banda deseñada dos autores Iván Suárez e Inacio, baseada na vida de Castelao.

"O Pobre Tolo", será a primera de varias historias autoconclusivas en torno a diferentes aspectos da vida do polifacético e emblemático autor de Rianxo.
A colección está editada en colaboración con Komic Librería (Rúa San Pedro Mezonzo, Santiago), que engloba esta iniciativa dentro das actividades do seu 25 aniversario. 
O acto de presentación terá lugar na propia libraría o xóves 3, ás 18:00h e contará coa presenza dos autores. 

Con este lanzamento, cuidadosamente documentado polos autores, Demo Editorial pretende seguir traballando na liña de edición de banda deseñada, que iniciamos hai catro anos, 
en torno a diversos aspectos relacionados coa nosa propia historia e sempre coa intención de seguir potenciando a autores galegos que veñen avalados pola calidade do seu traballo.



CASTELAO. O pobre tolo.
Inacio e Iván Suárez
Formato: 17x24 cm
64 páxinas branco e negro
Cubertas: Rústica con lapelas de 7cm
PVP: 12 euros
ISBN: 978-84-936993-9-0

SINÓPSE
Corre o ano 1934, e Castelao é desterrado a Badaxoz por mor da súa actividade política. Naquela cidade sentirase como un estraño, mais a súa situación non lle impedirá coñecer outros galegos que alí viven, nin interesarse pola situación social en Estremadura. Nas súas viaxes a Portugal adquire un exemplar da obra O pobre tolo, de Teixeira de Pascoaes, que marcará esta etapa da súa vida, previa ao seu exilio tras a guerra civil e fundamental para entender moitas das súas ideas.

jueves, 26 de abril de 2012

SORTEO DE LOTE DE DEMO EDITORIAL EN FACEBOOK

(Galego)
O vindeiro luns sorteamos un lote de títulos de Demo Editorial entre os nosos primeiros 1000 amigos en facebook.
O lote valorado en 50 euros, inclúe a nosa última novidade "Sálpock. O val dos Cegos" e consta dos seguintes títulos:

1 Exemplar de "Sin Mirar Atrás" de Dani Montero (castellano)
1 Exemplar de "Cabana de Balieiros" de Tokio (galego)
1 Exemplar de "Mamed Casanova, el hijo de la ira" de Manolo Poy e Miguel Fernández (castellano)
3 Marcadores (Cabana de Balieiros, Planeta Mincha, A man do diaño)
1 Exemplar de "Sálpock. O val do Cegos" de Álvaro López e Luís Sendón (galego)
1 Postal de "Mamed Casanova. O fillo da Furia"

Grazas a todas/os por apoiar o noso proxecto editorial.

(Castellano)
El próximo lunes sorteamos un lote de títulos de Demo Editorial entre nuestros primeros 1000 amigos en facebook.
El lote valorado en 50 euros, incluye nuestra última novedad "Sálpock. O val dos Cegos" y consta de los siguientes títulos:


1 Ejemplar de "Sin Mirar Atrás" de Dani Montero (castellano)
1 Ejemplar de "Cabana de Balieiros" de Tokio (galego)
1 Ejemplar de "Mamed Casanova, el hijo de la ira" de Manolo Poy y Miguel Fernández (castellano)
3 Marcadores (Cabana de Balieiros, Planeta Mincha, A man do diaño)
1 Exemplar de "Sálpock. O val do Cegos" de Álvaro López e Luís Sendón (galego)
1 Postal de "Mamed Casanova. O fillo da Furia"

Grazas a todas/os por apoyar nuestro proyecto editorial.

miércoles, 18 de abril de 2012

Presentación "SÁLPOCK. O val dos Cegos", en ALITA CÓMICS ( A Coruña)


Este venres Demo Editorial presenta o primeiro título da nova serie de ciencia ficción HäinöS.
Sálpock. O val dos Cegos,con guión de Álvaro López e debuxos de Luís Sendón é unha historia de aventuras épicas
que transcurren no mundo post-apocalíptico de Zakfart. Un album recomendado para tódolos públicos
que resultou finalista do Premio Castelao de Banda Deseñada 2011, da Deputación da Coruña.
Este título inclúe ademáis un estupendo extra, un xogo de rol de descarga gratuita, baseado no propio cómic.
O acto de presentación terá lugar en Alita Cómics (Rúa do Orzán, A Coruña) ás 19.00h, logo haberá sesión de sinaturas.
Con esta nova proposta de colección, desde Demo Editorial, pretendemos rescatar as aventuras de xénero ao tempo que seguimos
apostando polos nosos autores e pola banda deseñada en lingua galega.

Esperamos contar coa vosa asistencia.

sábado, 14 de abril de 2012

PRESENTACIÓN DE SALPOCK EN A CORUÑA

O vindeiro venres día 20 de abril, presentamos Sálpock, de Álvaro López e Luís Sendón na librería Alita Cómics (Rúa do Orzán), as 19.00h.
Ao día seguinte organizaremos tamén unha sesión de sinaturas na Feira do Libro de A Coruña (pendente de confirmar horario).

viernes, 13 de abril de 2012

EXPO: "CASTELAO,O POBRE TOLO"

En breve poderedes disfrutar da expo de páxina orixinais do album "Castelao. O Pobre tolo", de Inacio Vilariño e Iván Suárez, que editaremos en colaboración con Librería Kómic. O album sairá á venta o día 3 de maio.