OS LOBOS OUVEAN DE NOVO

Este sábado a media noite, Os Lobos de Moeche ouvearán unha vez máis. A empresa Dalleqlibras fara unha proxección de imaxes do album de Manel Cráneo sobre os muros do Castelo de Moeche durante o XXXII Festival Irmandiño. O autor xa fora convidado a expoñer parte da obra e dalo pregón na 30 edición do asalto ao castelo, e o ano pasado fixo unha maratón de sinaturas na torre de homenaxe do mesmo.

Esta obra épica, que foi producida coa colaboración de Euroeume, e está ambientada nas que se considera as primeiras revoltas populares europeas, non deixou de xenerar novas desde que foi editada por Demo a principios do 2009. E probablemente, esta non sexa a derradeira vez que falemos dela.

EDICIÓN LIMITADA DE CAMISETAS

Durante o Viñetas, Demo Editorial poñerá á venta estes dous novos modelos de camisolas, edición non limitada senón limitádísima. Un modelo de Os Lobos de Moeche, todo un hit de ventas dentro do noso catálogo editorial; e un divertido modelo da nosa marca Planeta Mincha.

Se non queredes quedar sen a vosa, tamén podedes reservalas dirixíndovos a:

distribución.demoeditorial@gmail.com

Impresión en vinilo.

Prezo 18 euros.

CHARLA DE MANEL CRÁNEO

O autor Manel Cráneo dará unha charla sobre o proceso creativo da súa obra Os Lobos de Moeche, este venres, día 5 de agosto, ás 19.30h na Biblioteca Infantil e Xuvenil de Durán Loriga, en A Coruña. O acto será de portas abertas e está encaixado dentro da programación que a biblioteca oferta aos seus lectores nos días previos ao Viñetas Desde o Atlántico.

OS LOBOS OUBEAN DE NOVO

SÁBADO 21: MARATÓN DE SINATURAS DE M.CRÁNEO NO XXXI FESTIVAL IRMANDIÑO DE MOECHE
Despois dun ano no circuito, Os Lobos de Moeche de Manel Cráneo seguen dando guerra. Demo Editorial contará cun stand de venta durante o festival onde se poderán adquirir este e demáis títulos editados polo noso sello. Para a ocasión, o autor fará un maratón de sinaturas de 12:00 a 20:00 que incluirá unha presentación do cómic na taberna Os Irmandiños ás 13:00 horas e que contará tamén coa presenza de Miguel Teixido, xerente da entidade Euroeume.
O resto do día, o autor situarase no torreón do castelo para resistir as hordas de lectores que por alí se acheguen, armado de lápiz e pincel. Cráneo xa estivo convidado o ano anterior ao festival para dalo pregón.

O album editado por Demo Editorial en colaboración con Euroeume estase a convertir nun clásico da banda deseñada galega, con varios miles de exemplares vendidos nun ano, e comenza a falarse xa dunha posible segunda entrega protagonizada de novo por Lopo e Martín de Ferreira.

CALENDARIO DE ACTIVIDADES PARA VIÑETAS 2010

XOVES 12
13:00 horas PRESENTACIÓN DE NOVIDADES EDITORIAIS
Cós autores Dani Montero, Manolo López Poy, Miguel Fernández e Manel Cráneo
LUGAR: Na carpa da Rúa do Cómic (zona Xardins Mendez Nuñez)

SESIÓNS DE SINATURAS AUTORES DEMO EDITORIAL

STAND DEMO EDITORIAL
XOVES 12
18:00 horas MANOLO LÓPEZ POY + MIGUEL FERNÁNDEZ
20:00 horas DANI MONTERO
21:00 horas MANEL CRÁNEO

VENRES 13
20:00 horas DANI MONTERO
21:00 horas MANEL CRÁNEO

SÁBADO 14
18:00 horas DANI MONTERO
19:00 horas MANOLO LÓPEZ POY + MIGUEL FERNÁNDEZ
21:00 horas DANI MONTERO

QUIOSKO ALFONSO
Viernes 13
18:00 – 20:00 DANI MONTERO NA SINATURA DE AUTORES CONVIDADOS
Sábado 14
12:00 – 13:30 DANI MONTERO NA SINATURA DE AUTORES CONVIDADOS

SINATURA DE EXEMPLARES NA FEIRA MEDIEVAL DE CORUÑA

Despois do éxito da sesión de sinaturas na feira Franca de Betanzos, Manel Cráneo, asinará novamente mañá xóves 23 de xullo na feira Medieval de Coruña. Ás 20:00 h na Avda de Los Ángeles na cidade vella.

OS IRMANDIÑOS DE SANTY

Santy Gutiérrez adicou unha das súas viñetas de actualidade en La Opinión a Os Lobos de Moeche o pasado domingo día 12 de xullo, dentro da súa sección A Cosa Nostra. Grazas Santy.

OS LOBOS DE MOECHE NA FEIRA FRANCA DE BETANZOS

Máis info en: http://manelcraneo.blogspot.com

PRESENTACIÓN SALÓN CÓMIC BARCELONA

Manel Cráneo presentará o album Os Lobos de Moeche o vindeiro sábado 30 de maio (na Sala de Actos del Palacio nº8, feria de Barcelona (11:30 da mañá).

Ese mesmo día o autor asinará exemplares en dúas sesións, de 12:00 a 14:00 e de 20:00 ata o peche no stand de venta de Galicia onde se poderá mercar o album. Non faltedes.

VENTA ON LINE

Seguimos facendo avances. Chegamos a un acordo con Central Librera, se non vos quedan cerca os nosos puntos de venta xa podedes mercar on line o noso cómic desde calqueira punto de Europa.

NOVOS PUNTOS DE VENTA

Seguimos ampliando a nosa rede de distribución con novas librarías en Santiago e tamén chegamos a Carballo.
Podedes consultar o listado pinchando no apartado PUNTOS DE VENTA.

PRESENTACIÓN EN SANTIAGO, xóves 30 abril

PROXIMAMENTE: VENTA ON LINE

Os Lobos de Moeche van vento en popa e seguimos facendo avances. En breve poderedes mercar o album por internet desde calquera punto da península. Informaremos deste asunto en breve.

PRESENTACIÓN EN BETANZOS, venres 24 abril

PRESENTACIÓN EN VIGO, VENRES 17 ABRIL

FESTA PRESENTACIÓN EN ALITA CÓMICS

Pechamos a minixira de presentacións na Coruña cunha festa mañá as 20:00 da tarde en Alita Cómics (Rda. de Nelle, 120 B). Coa presenza de Miguel Teixido (Euroeume) e Manel Cráneo. Ademáis teremos ao actor Pablo Sanchez (San&saN) facendo o conxuro da queimada e algunha que outra sorpresa. Non faltedes.

OS LOBOS XA ESTÁN NAS LIBRARÍAS

Hoxe comenzou a distribución de Os Lobos de Moeche nas librarías coruñesas e estes días seguiremos chegando a outros puntos de venta no resto de Galicia. En breve colgaremos neste blog un listado con eles.
Tamén pulula xa por aí unha edición limitada de postales co deseño deste mesmo fondo de escritorio que colgamos hoxe. Ademáis haberá un segundo modelo de postal que se agasallará en exclusiva desde XA en FNAC Coruña, onde teremos a nosa primeira presentación este xóves a eso das 19:00 da tarde. Esperámosvos.

TEASER PRESENTACIÓNS "OS LOBOS DE MOECHE"

Presentamos o teaser definitivo de os Lobos de Moeche, realizado por Luís Pablo Román, que inclúe as primeiras datas de presentación do cómic. Esperamos que sexa do voso agrado e que vos anime a mercar o album. Estaremos nas librarías especializadas a finais deste mes e tamén poderedes mercar o album en Biblos Clube de lectores. Se queredes ver o teaser en HD pulsade aquí.

XA CHEGAN!!

Aí vai un novo fondo de escritorio de "Os Lobos de Moeche" e xa temos as datas de presentación do album para o mes de abril e unha morea de sorpresas esperando.

MARTÍN DE FERREIRA

Hoxe queda exactamente un mes para o lanzamento do album. Mentras tanto, aquí tedes un un novo fondo de escritorio como novo adianto no que podedes ver a Martín de Ferreira, o protagonista da historia. Esperamos que o disfrutedes.