NACHO CAMACHO en A Coruña!!

Temos o pracer de convidaros ás seguintes actividades esta semán.

XOVES 25, en FNAC, A Coruña, tertulia con Rodrigo Cota e Jano para falar da súa obra NACHO CAMACHO, presentada polo seu editor, Manel Cráneo.

VENRES 26, En Alita Cómics (Rúa Orzán, A Coruña), sesión de sinaturas coa presenza dos autores.

JANO
A Coruña, 1979.
Licenciouse en Belas Artes na Facultade de Pontevedra.
Gañou algúns premios, como o Injuve no 2002, o Certame Ourense no 2003 ou o Golden Globos no 2011. Na actualidade tenta traballar como historietista, ilustrador e deseñador gráfico.
Simultaneamente adéstrase para sobrevivir ao inminente colapso da civilización occidental.

BIBLIOGRAFÍA RECOMENDADA:
Operario (Demo Editorial, 2013)
3X1 (Polaqia, 2012)
Ratoon (Bang, 2010)
Centoloman (Rei Zentolo, 2009)
Layka (Cabezabajo, 2005)
Patricia (Polaqia, 2002)
Nieve negra
(Factoría de Ideas, 2000)

RODRIGO COTA 
México DF, 1966.
Escritor e guionista de cómic e cinema, autor de novela humorística e actualmente
columnista en Diario de Pontevedra, labor que compaxina cos de corrector literario e escritor fantasma.

BIBLIOGRAFÍA RECOMENDADA:
El inaudito secuestro
de Mariano Rajoy (2012)
La loca historia
de Pontevedra (2010)
Centoloman (Rei Zentolo, 2009)

NOVIDADE: NACHO CAMACHO de Rodrigo Cota e Jano

Jano regresa a Demo Editorial para traernos da man do excelente guionista Rodrigo Cota o que será a nosa segunda novidade para presentar durante a feira do Viñetas desde o Atlántico 2014. 

Nacho Camacho é ante todo un home dos de sempre, e está orgulloso de selo. Macho alfa contemporáneo, cachas de ximnasio, materialista ata a medula, adora o seu ídolo Clint Eastwood, seguramente porque aínda non coñece a Vin Diesel. A vida de Nacho sería perfecta se non fose por un pequeno problema que ten na súa propia casa: o seu fillo pre-adolescente, Junior, é homosexual.

Jano e Rodrigo Cota ofrecen unha obra humorística que ridiculiza de xeito directo e sen complexos unha sociedade machista que sucumbe ante a chegada de novos conceptos para entender a vida baseados nas liberdades individuais e de expresión.

Un álbum transgresor e indispensable para derribar con bo humor a fachada do mundo virtual que nos envolve.

Aproveitamos para lembrar que Jano será un dos convidados oficiais desta edición do Viñetas desde o Atlántico. 

NACHO CAMACHO

Rodrigo Cota / Jano

Colección Demográfica nº2

52 páxinas (Con making off)

Cor

14 x 21 cm

Rústica con lapelas

P.V.P: 11,50 €

Outras obras de Jano publicadas por Demo Editorial:

OPERARIO

Jano

Colección Demográfica nº1

52 páxinas

Branco e negro

14 x 21 cm

Rústica con lapelas

P.V.P: 10 €