OS AUTORES DE SÁLPOCK PRESENTARÁN A OBRA EN COMPOSTELA

A librería Kómic acollerá unha vez máis unha das nosas presentacións. Neste caso volven á carga os autores Álvaro López e Luís Sendón. E isto non é todo, ao día seguinte pola mañán, ás 12:00 estarán presentes na presentación da colección HäinöS, xunto a Manel Cráneo, no Festival Freakemacine. Dito acto terá lugar na Fundación Luís Seoane en A Coruña. Un auténtico doblete galáctico!!

PRESENTACIÓN DE TITOÁN EN RODEIRO

MAÑÁ, SÁBADO 15 DE SETEMBRO, ás 13:30 HORAS, presentarase a obra TITOÁN no CAMPO DA FEIRA de RÍO (Rodeiro, Pontevedra)

MANEL CRÁNEO FALANDO DOS SEUS MORTOS NA RADIO GALEGA

Enlace para escoitala entrevista realizada a Manel Cráneo no programa "Galicia Por diante" da RTVG. Unha tertulia có autor en torno á súa obra "Cousas de Mortos", editada por Demo Editorial dentro da colección HäinöS.

PINCHA AQUÍ PARA ESCOITALA ;-)

PRESENTACIÓN "COUSAS DE MORTOS" EN FNAC A CORUÑA

Temos o pracer de convidarvos á presentación de Cousas de Mortos, de Manel Cráneo, este xoves 6 de setembro, en FNAC A Coruña, ás 19:30 horas. 

Os que non podades asistir, recibide o noso máis sinceiro pésame pola pérdida, máis non deixedes de leelo libro ;-)

COUSAS DE MORTOS 

Manel Cráneo

Colección HäinöS nº2

64 páxinas, color.

PVP: 13,50 euros

ISBN: 978-84-940349-0-9

Unha escolma de historias curtas publicadas ao longo de máis dunha década en diversas revistas e onde o común denominador é que os seus protagonistas son esqueletes. 

Ironía, filosofía, humor negro e un séntido crítico da sociedade, son algúns dos condimentos deste album onde os mortos son a caricatura dos vivos. 

Unha lectura que deambula irónicamente polos camiños do tétrico e o fantástico.

O CÓMIC DA TORRE DOS MOUROS

O proxecto de materializar nun cómic-book os resultados da intervención arqueolóxica de Torre dos Mouros xa está en marcha e terá todo o apoio editorial pola nosa parte. Proxectos coma este asentan un novo enfoque desde o campo arqueolóxico. É un luxo poder participar e disfrutar desta experiencia desde a nosa editorial.
Aínda que non hai data exacta para a saída da publicación, se producirá dentro do vindeiro trimestre e parte da edición será repartida como agasallo aos escolares da zona de Lira-Carnota.
Actualmente Manel Cráneo está xa a artellar a historia có apoio e asesoramento de Antón Malde, arqueólogo e director da excavación, e Manolo Gago, o responsable da campaña de comunicación que se esta a facer desde hai meses para potenciar e poñer en valor o proxecto.

Na seguinte foto de Sole Felloza, podedes observar parte dos resultados das excavacións nos que se aprecia a zona de acceso ao recinto altomedieval.

Non deixedes de visitala excavación e disfrutar dunhas vistas incríbles desde o alto. Paga a pena facelo.

AXENDA DE ACTIVIDADES DEMO EDITORIAL NO VIÑETAS 2012

ACTIVIDADES DEMO EDITORIAL

NO VIÑETAS 2012

---------------------------------

XOVES 09 

12:30 PRESENTACIÓN “SÁLPOCK” (NA CARPA)

SESIÓNS DE SINATURAS (Stand Demo Editorial)

19:00h COUSAS DE MORTOS/ MANEL CRÁNEO

20:00h PUNTO DE FUGA/ MIGUEL CUBA

21:00h SÁLPOCK/ LUÍS SENDÓN E ÁLVARO LÓPEZ

---------------------------------

VENRES 10

12:30 PRESENTACIÓN “TITOÁN” (NA CARPA)

SESIÓNS DE SINATURAS (Stand Demo Editorial)

19:00h EL HIJO DE LA IRA/ MIGUEL FERNÁNDEZ, MANOLO POY

20:00h CASTELAO/ INACIO E IVÁN SUÁREZ

21:00h COUSAS DE MORTOS/ MANEL CRÁNEO

---------------------------------

SÁBADO 11

12:30 PRESENTACIÓN “COUSAS DE MORTOS” 

(NA CARPA)

SESIÓNS DE SINATURAS (Stand Demo Editorial)

19:00h SÁLPOCK/ LUÍS SENDÓN E ÁLVARO LÓPEZ

20:00h SÁLPOCK/ LUÍS SENDÓN E ÁLVARO LÓPEZ

21:00h COUSAS DE MORTOS/ MANEL CRÁNEO

Lembrámosvos tamén que durante toda a semán poderedes adoptar un urrakaplöide do Planeta Mincha no noso stand.

Están desamparados moi lonxe do seu planeta e buscan protección e agarimo.

ADOPTA UN URRAKAPLÖIDE!!

DEMO EDITORIAL NO VIÑETAS 2012

Mañán comenza unha nova edición de Viñetas desde O Atlántico. Un ano máis Demo Editorial contará con stand na Rúa da Bd, onde poderedes atoparnos de luns 6 a domingo 12 de agosto. A partir do mércores teremos actividades cós autores da nosa editorial a diario, repartidas entre a carpa
e o stand. Mañán luns, anunciaremos horarios definitivos das mesmas.
Esperámosvos có mellor de nós no stand 22-23, que por segundo ano seguido compartiremos con Los tebeos de Juanjo.

EXPOSICIÓN "ESTAMPAS DO PLANETA MINCHA"

INAUGURACIÓN ESTE VENRES ÁS 20:00h !!

ESTAMPAS DO PLANETA MINCHA

De Manel Cráneo
Na galería de arte 9THE13 (Rúa Tabernas, 9, A Coruña)

Unha exposición que conta con 43 obras obras que xiran en torno ao universo particular do autor, "Planeta Mincha", e que a modo case documental retratan unha viaxe por algún dos lugares e espazos deste mundo fantástico.

NOVIDADES DEMO EDITORIAL PARA AGOSTO

Aproveitando o marco do Viñetas Desde o Atlántico, en agosto engadimos dous novos títulos ao noso catálogo continuando coas dúas coleccións abertas este ano. Voltamos con novos mundos fantásticos na Colección HäinöS e proseguimos cunha nova entrega da colección biográfica sobre Castelao.

COUSAS DE MORTOS 

Manel Cráneo.

Colección HäinöS nº2

64 páxinas, color.

Xénero: Fantasía

PVP: 13,50 euros

Unha escolma de historias curtas do autor publicadas ao longo dos últimos anos en diversas revistas onde o común denominador é que os seus protagonistas son esqueletes. Ironía, filosofía, humor negro e un séntido crítico da sociedade, son algúns dos condimentos deste album onde os mortos son caricatura dos vivos, deambulando polos camiños do tétrico e o fantástico.

CASTELAO: TITOÁN

Inacio e Iván Suárez

Colección Castelao nº2

64 páxinas, branco e negro.

Xénero: Biografico

PVP 12 euros

Obra gañadora do Premio Castelao de cómic da Deputación da Coruña no ano 2011 e segundo título da serie biográfica sobre a figura que lle da o propio nome a este premio. Nesta entrega publicada grazas á Deputación da Coruña, os autores contan o paso entre a xuventude e a madurez de Castelao, finalizados os seus estudos de medicina, partindo da súa relación con Titoán, un veciño de Rianxo co quen entra en conflito ao tomalo como inspiración para a realización dun cabezudo das festas. Unha historia meticulosamente documentada.

SÁBADO 9, DOBLE PRESENTACIÓN "SÁLPOCK" EN VIGO E PONTEVEDRA

PRESENTACIÓN DE "CASTELAO, O POBRE TOLO" EN FNAC, 6 DE XUÑO