COLECCIÓN HÄINÖS

Xa temos nome para a nosa nova colección de ciencia ficción e aventuras noutros mundos. Lembrando aquelo das meigas. "habelas hainas", estamos seguros de que pasa o mesmo con outros mundos, "hainos". Guiados por un cabaliño do demo mutante, no logotipo deseñado para esta nova aventura, achegarémonos a lugares fantásticos como o val do Cegos, no lonxano Zakfart ou os fríos desertos de neve de Hëlüs, no Planeta Mincha.

Estade atentos, e buscade entre as estrelas ao noso cabaliño do demo. O primeiro encontro extraterrestre virá da man de Álvaro López e Luís Sendón, a primeiros de abril, coa obra que leva por título Sálpock, o val dos Cegos.

NOVAS DEMO EDITORIAL DESDE O PLANETA MINCHA

Xa está en proceso de produción a curtametraxe de animación ambientada no Planeta Mincha De Manel Cráneo. Producida pola produtora Mondotropo en colaboración con Demo Editorial e realizada en animación 2D. O conductor do capítulo será o coñecido científico do Ministerio de Ciencia Mincha, Pichük, protagonista tamén da serie de libros infantís Diario de Pichük, con catro títulos xa editados por Everest e outros novos en marcha. Demo editorial editará tamén ao longo deste ano a novela gráfica "Destino Hergüss" na que tamén aparece Pichük tempo antes converterse en ciéntifico de sona. A figuriña das fotos está realizada por Laura Cubeiro para o estudo de volumenes do personaxe que pasará do papel á pantalla.

A marca Planeta Mincha está estudando ademáis destes, outros formatos para amosar o que acontece neste particular planeta de infinitas posibilidades. Ao longo deste mesmo ano haberá máis novidades.

EDICIÓN LIMITADA DE CAMISETAS

Durante o Viñetas, Demo Editorial poñerá á venta estes dous novos modelos de camisolas, edición non limitada senón limitádísima. Un modelo de Os Lobos de Moeche, todo un hit de ventas dentro do noso catálogo editorial; e un divertido modelo da nosa marca Planeta Mincha.

Se non queredes quedar sen a vosa, tamén podedes reservalas dirixíndovos a:

distribución.demoeditorial@gmail.com

Impresión en vinilo.

Prezo 18 euros.