VIDEO PROMOCIONAL DE CABANA DE BALIEIROS

Presentamos o video promocional dunha das nosa novidades para agosto. Cabana de Balieiros, do autor Tokio. A novela gráfica será presentada no Viñetas desde o Atlántico a segunda semán de agosto. Esperemos que vós guste este pequeno adianto dunha obra que promete unha boa lectura.

A música do video é de Manel Cráneo.

XOGO "O GALEGO MEDRA CONTIGO"

Manel Cráneo mostra no seu blog persoal imaxes do xogo "O Galego Medra Contigo", peza da campaña de dinamización da lingua galega do Concello da Coruña que levaba como slogan o mesmo nome.

O xogo foi editado por Demo o pasado mes de maio como encargo para as actividades celebradas dentro das actividades programadas pola Concellaría de Normalización Lingüistica en torno ao día das letras galegas, na cidade da Coruña. A peza utilizouse como agasallo para os nenos e nenas participantes nalgunhas das actividades programadas.

DEMO EDITORIAL EN FACEBOOK

A partir desta mesma tarde Demo Editorial xa está presente na rede social facebook. Todos os interesados en estar ao tanto da nosa actividade xa tedes outro sitio onde atoparnos. Esperámosvos.

SEN MIRAR ATRÁS DE DANI MONTERO EN ALEMÁN

(Galego)

O autor galego Dani Montero, será un dos convidados no Festival de Cómic de Munich (Alemaña) onde verá publicada a súa obra SEN MIRAR ATRÁS xa que a Editorial Edition 52 ven de mercalos dereitos para este territorio. A edición xermana do album terá ademáis un novo deseño de cuberta.

"Kein Blick Zurük", presentarase dentro da programación oficial do festival, no Instituto Cervantes o día 18 de xuño ás 12:00 horas , lugar elexido tamén para unha completa mostra dos seus orixinais.

Ademáis, do día 23 ao 26, o autor natural de Cangas, asinará exemplares no festival en sesións de dúas horas cada tarde.

Dani foi con esta novela gráfica gañador do Premio Castelao de Banda Deseñada da Deputación da Coruña, no ano 2009 e con ela da tamén o seu primeiro paso ao mercado internacional da man da nosa editorial.

Se aínda non leiches este trepidante thriller, lembramos que podedes mercar a edición en castelán e galego editadas

por Demo.

(Castellano)

El autor gallego Dani Montero, será uno de los invitados en el Festival de Cómic de Munich, en Alemanía, donde verá publicada su obra SIN MIRAR ATRÁS ya que la Editorial Edition 52 acaba de comprar los derechos para este territorio. La edición contará con un nuevo diseño de portada realizado por Dani.

"Kein Blick Zurük", se presentará en el próximo Festival de Cómic de Munich, junto a una exposición de originales en el Instituto Cervantes el día 18 de junio a las 12:00 horas.

Además, del día 23 ao 26, el autor natural de Cangas, firmará también ejemplares en el festival en sesiones de dos horas cada tarde.

Dani ganó con esta novela gráfica el Premio Castelao de Banda Deseñada da Deputación da Coruña, en el año 2009 y con ella da también su primer paso al mercado europeo de la mano de nuestra editorial.

Para los que todavía no leisteis este trepidante thriller, os recordamos que podeis comprar las ediciones de castellano y gallego editadas por Demo.

PUNTO DE FUGA de MIGUEL CUBA

Seguimos traballando na promoción de novos autores galegos. A segunda novidade que editaremos en agosto é PUNTO DE FUGA. A obra supón a primeira novela gráfica de Miguel Cuba, un novel que conta xa con varios premios en concursos de BD. Unha historia de corte intimista, dun autor que promete convertirse en referencia, e que de seguro dará moi boas sorpresas no mercado da banda deseñada. Adiantamos a cuberta provisional do album.

CABANA DE BALIEIROS de TOKIO

Este é o título da primeira novela gráfica de Tokio. Un autor de longo percorrido pola ilustración en Galicia e que leva activo profesionalmente desde os anos oitenta.

O autor, desapareceu por entón do panorama da bd para centrarse máis na ilustración científica, disciplina na que se move con excelentes resultados. Isto e outras labouras relacionadas

coa protección do medioambente, mantiveron a Tokio alonxado da historieta ata 2009, ano no que retoma unha vella historia que se materializará este mesmo verán editada por Demo.

Cabana de Balieiros é unha historia que mestura acción, aventura e intriga nunha vila baleeira de finais do século XIX.

Esta obra supón o terceiro título da nosa editorial en canto a unha liña pola que seguiremos apostando, a novela gráfica de aventuras e de ambientación histórica en Galicia.

PRESENTACIÓN DEMO EN AIRA DAS LETRAS

O vindeiro xoves 17 de febreiro ás 20:00, Manel Cráneo falará sobre o proxecto Demo Editorial na libraría Aira das Letras, en Allariz, onde aproveitará para presentar tanto os títulos publicados como as vindeiras novidades que sairán ao longo de 2011.

CHARLA DEMO EDITORIAL

Esta tarde Manel Cráneo, dará unha charla sobre a liña editorial de DEMO na que abordará diferentes aspectos sobre o funcionamento da mesma e adiantará as próximas novidades que sairán á luz ao longo de 2011.
A actividade terá lugar na nova Biblioteca do Forum Metropolitano ás 19:30 h. (Parque Europa, A Coruña) e estará enmarcada dentro do programa de actividades da biblioteca recentemente reinaugurada.

EXPOSICIÓN OS LOBOS DE MOECHE

EXPOSICIÓN OS LOBOS DE MOECHE

Demo Editorial en colaboración coa Libraría Endo (Rúa entrepeñas, 41-baixo, A Coruña), organizan unha exposición con reproduccións de pranchas da banda deseñada de Manel Cráneo, "Os Lobos de Moeche".Esta obra de aventuras, ambientada na segunda revolta irmandiña, xa acadou notable éxito desde a súa saída en 2009. Agora reaparece novamente en formato exposición.Ademáis dunha selección de pranchas reproducidas tamén se exhibirá algún orixinal. As pezas estarán á venta. A mostra permanecerá na libraría do 28 de xaneiro ao 28 de febreiro.

Durante o acto de ianuguración, que terá lugar este venres ás 20:30, proxectaránse varias pezas audiovisuais en torno a obra e o autor e quen queira poderá mercar o album e levalo asinado.

O FILLO DA FURIA NA BIBLIOTECA DE ORTIGUEIRA

Publicamos un par de fotos da charla que tivo lugar nas fantásticas instalacíóns da Biblioteca de Ortigueira o pasado mes de decembro. A charla xirou en torno ao cómic O Fillo da Furia de Manolo Poy e Miguel fernández e contou coa presenza tamén do editor Manel Cráneo.
Parte da exposición dos autores centrouse na figura do protagonista da obra, Mamed Casanova, personaxe autóctono da zona, concretamente de Grañas de Sor ben coñecido polos veciños do Ortegal. O acto tivo unha interesante afluencia de público e especialmente de mozos e mozos do clube de lectura do centro de ensino de Ortigueira que xa tiñan leido a obra.

Ao termino da charla, os autores Miguel Fernández e Manolo Poy, fixeron unha sesión de sinaturas á que se sumou Manel Cráneo, asinando exemplares dos Lobos de Moeche. Outra obra que segue a dar boas novas.

OS LOBOS DE MOECHE EN GONDOMAR

O pasado mes de novembro Manel Cráneo encontrouse cós lectores Clube de Lecturas Debuxadas de Gondomar, un dos clubes de lectura con máis sona de Galicia, para falar arredor da súa obra Os Lobos de Moeche. Unha experiencia moi gratificante por ambas partes na que a tertulia se prolongou por máis de dúas horas. Estas son algunhas das fotos que nos fixeron chegar os amigos do espazo lectura.