![](https://blogger.googleusercontent.com/img/b/R29vZ2xl/AVvXsEhrdkAAyDtC7LsP4JtMJiN-Jgq2LSkv_GGNXQXLdx7DY1naKfhfvSbw8_u6ubsv-q6fvBVxXJJ7SjJZLpyaxFaQsOc3gtoXm-OiKEpnf8GwTbGct2bYOl2c5sQSUnaKzCsKJSQthUcFLzc/s400/logo+MAMED+negro+para+web.jpg)
![](https://blogger.googleusercontent.com/img/b/R29vZ2xl/AVvXsEh2EcHZk6qNJEcUDmvl8bnXDWVg43lzub6IPpdcJiaf0Z0IYRVgN6t5TtIz29_l1QlrM9PkXcirZ18qF8vjERDtXKBCh-FQ8QG4Z_O2sk0NyBSQsUELQWV_bZKwRS3WgLHv9eEIbmW-c4c/s400/logo+SEN+MIRAR+promo.jpg)
Queremos que estas dúas novelas gráficas se vendan en primicia no ámbito do Viñetas polo se poñerán á venta, en exclusiva, nas librarías especializadas que participan no festival, antes de chegar ao habitual circuito libreiro.
A primeira novidade é MAMED CASANOVA; O FILLO DA FURIA, unha obra de Manolo López Poy e Miguel Fernández. Unha historia de aventuras, biográfica e en tono de suspense, sobre o mítico bandoleiro romántico. Un home que durante tres anos mantivo en tensión a toda a comarca do Ortegal. Unha narración áxil onde os autores percorren acertadamente os pasos deste personaxe condeado ao malditismo. Un excelente prato para os que lles guste comer rebumbios de historia e acción.
A outra novidade é SEN MIRAR ATRÁS, de Dani Montero. Obra galardoada có Premio Castelao 2009 que outorga a Deputación de A Coruña. Unha roadmovie con final sorprendente que demostra a calidade narrativa do autor no que supón a súa primeira primeira novela gráfica.
A obra foi presentada onte na Deputación de A Coruña e contou coa presenza do presidente Salvador Fernández Moreda, Miguelanxo Prado, promotor do concurso e membro do xurado, e o propio autor, Dani Montero.
Contaremos con dúas edicións (castelán e galego) coa particularidade de que a edición en galego conta cunha ampliación da obra e páxinas con contidos extras.
SEN MIRAR ATRÁS contará ademáis, cunha exposición de orixinais durante a edición do Viñetas Desde o Atlántico 2010.
Demo Editorial estará tamén presente no salón cun stand de venta e varias actividades programadas das que iremos informando puntualmente nos vindeiros días.
No hay comentarios:
Publicar un comentario